Nòtta. Quànde a paròlla a l'é scrîta in bleu, se se ghe va adòsso dòppo in stisinìn se peu lêze a traduçión in italiàn: fànni a prêuva.

• coæ ["kwE:]
  scibén ch'a se dîxe pægia a-o prónomme quæ, l'é tradiçión de scrîvila coscì pe raxoìn etimològiche
• coìnta ["kwiNta]
  scibén che a se dîxe pægia a l'agetîvo quìnta, a va scrîta coscì pe raxoìn etimològiche
• cointâ [kwiN"ta:]
  a va scrîta coscì dæto ch'a gh'a a mæxima réixe da paròlla coìnta
• èrbo ["Erbu]
  a grafîa do Cazàssa erboo a no l'à raxón d'êse, bàsta aregordâ chò-u plurâle o l'é èrboi ["Erbwi]
• êuvéi [2:"vej]
  sta paròlla a s'adêuvia sôlo inte l'espresción giórno d'êuvéi e a va scrîta coscì pe raxoìn etimològiche
• inte ["iNte]
  l'é stæto decîzo che inta grafîa ofiçiâ o se scrîve tùt'atacòu ànche pe quéllo che l'é scrîto chi.
• màii ["maji]
  o plurâle de màio ["majju]
• méuii ["m2ji]
  o plurâle de méuio ["m2jju]
• péu-n ["p2N]
  a l'é a crâxi de pe un in frâzi cómme doî péu-n
• quæ ["kwE:]
  quésto pronómme o no va confûso co-o nómme coæ, scibén che se dîxan pægi
• quìnta ["kwiNta]
  quésto agetîvo o no va confûso co-o nómme coìnta, scibén che se dîxan pægi