Chi, into scîto de l'Académia Ligùstica do Brénno, i tèsti són scrîti segóndo ste régole:

1. a léngoa a l'é o zenéize çitadìn de Portöia;
2. a grafîa a l'é quélla ofiçiâ;
3. in sce tùtte e paròlle gh'é misso i-acénti che ghe va; l'acénto o no l'é mìsso sôlo inte sti câxi:
   1. in scî monoscìlabi che finìscian pe vocâle séncia cùrta; eceçióin: é (lê o l'é), ò (mi ò - a congionçión "o"), à (lê o l'à), ciù, sciù;
   2. in scê prepoziçioìn in, inte, con;
   3. in scî artìcoli ò pronómmi un, unna, unn-a;
   4. in sciô digràmma æ perché, sénsa eceçióin, o va dîto sénpre lóngo levòu quànd'o l'é prìmma da n velâre [N] ch'o va dîto cùrto;
   5. in sciô digràmma eu a-a fìn da paròlla e in sce eur de paròlle de derivaçión françéize (blagheur, sciafeur, brazeur) perché, sénsa eceçióin, o va dîto sénpre lóngo.
4. I problêmi dovûi a-a prozodîa són marcæ sólo quànde gh'émmo avûo coæ de fâlo.

Se quarchedùn o gh'à piaxéi de inandiâ e de curâ 'na seçión de l'Académia Ligùstica do Brénno dedicâ a-a parlâ che lê o conósce o l'é invitòu a scrîvine pe avéi tùtto l'agiùtto che poêmo dâghe.