[zeneize] nuvitæ insciaa rè
ziardua [ziardua@yahoo.com]

Câi tytti,

doppu d'e setemann-e de ansce e de afanni, sun finalmente ariëscîu á finî u stramyu d'u scitu á l'adressu www.zeneize.net.

A primma nuvitæ en e mudiffiche sustansiâle che, doppu ciy de 'n annu d'exitasiun, me sun decizu de apurtâ aa "grafîa in U" pe réndila 'n pô ciy "tradisiunale": me sun rasegnòu e d'òua in avanti mi ascí døviô i acenti circunflèsci e e diêrexi inscee vucale lunghe, vistu che pe ötegnî 'na reiza graffica fedele aa funulugîa zeneize, nu se ne pø fâ á menu:
-l'acentu circunflessu pe l'acentu prinçipâ.
-a diêrexi pe l'acentu segundâiu
(ez. "bägiâ", "sätiô" etc.)
Natyralmente, døviandu u circunflessu sulu pe indicâ a lunghessa d'a vucale, a "u" franseize a nu se pø ciy scrive "û". Alûa a scriviô "y", cumme fa i Nurvegeixi, Finlandeixi etc..., ma cumme fava ascí i Greghi antighi: ciy tradisiunale de cuscí!
Ou sò, a "y" a mette angúscia, a l'é 'n pýgnu inte'n øggiu... Mi l'é ciy che 6 meixi che me ezércitu á scrive in zeneize døviandu a "y" e ve possu garantî che nun sulu se fa fitu á abituâseghe, ma u l'é sens'atru u scistema ciy natyrale pe scrive in zeneize:
træ lettie despæge, o - u - y, pe tréi suin despægi.
Pe quante riguarda a "ø" (ch'a sáiva u pýgnu inte l'atru øggiu...), vediéi che int'u scitu l'ho sustituîa cua "œ", quella li ascí ciy "tradisiunale" , e che u Fýrviu Lymachi u l'adøvia za da'n pô (á prupoxxitu: Fyrviu cumme ti stæ? T'ee ancun in lettu cu'l'inflyensa?
Bunn-a guarixun e bunn-a cunvalescensa: curaggiu che ghe semmu pasæ tûtti, e damme a mente á mi, in Vespa pe'n pô nu stâghe á anâ ...!).
Però dætu che int'e E-mail a "œ" a nu se vixualizza ben, in lista cuntinuiô á døviâ a "ø".

A segunda, e ciy inpurtante nuvitæ en e paggine d'e tòue verbale, pou mumentu 56 (ma se ghe n'azunziâ ancun d'e atre...), ch'u Magister u l'ha cunpilòu inte ciy de 'n annu de travaggiu. Gh'é vusciyu tantu anche perché 'na descrisiun cuscí cunpleta d'e cuniugasyin d'i verbi zeneixi nu pensu che l'avesse mâi fæta nisciyn. Nu diggu atru: se ghe n'ei cuæ anæghe 'n pô á dâghe 'n øgiaa.

Stæme alegri!

Conrad
www.zeneize.net

L'utilizzo, da parte tua, di Yahoo! Gruppi è soggetto alle http://it.docs.yahoo.com/info/utos.html