Notepad++ o l'é 'na versción evolûa do clàscico Notepad de Windows. O l'é 'n editô de tèsto ma o gh'à de fonçioìn in ciù e a posciblitæ de descaregâ e instalâ numerôxi plugin che fornìscian âtre fonçionalitæ.

Un di sti angæxi de plugin o l'é stæto pensòu da l'inzegnê Riccardo Ricci pe-a grafîa ofiçiâ: quand'o vêgne lanciòu o móstra 'na tastêa in sciâ drîta co-i caràteri acentæ da grafîa ofiçiâ.

Pe descaregâlo e pe savéine de ciù bàsta sciacâ chi.

In ciù Notepad++ o l'é disponìbile ànche in zenéize in grafîa ofiçiâ, gràçie a-a traduçión fæta da Alan Gazzano e ch'a peu êse descaregâ sciacàndo chi.