Cuê ninn-e-nanne, e filastrocche e i canti pupulâri che ne su-ârivæ à traversu 'na tradisiun esclyxivamente ôrâle, dêv'êse sucèssu quellu che sucêde cuî "passa-parolla": à ògni pasaggiu se ne perde 'n toccu o se ne scangia yn o se ghe n'azunze yn da 'n âtru pessu e aa fin fin t'arèsti cu-in strufuggiu ch'u te sâta de pâl'in frasca tytti-i mumenti. 'N ezénpiu clàscicu a l'é a maavegiûza "Lanterna de Zêna" che pâ ch'a segge stæta missa 'nsemme cuî tocchi de sètte cansuin abrettiu...